追人奶?! 第五日

早上埋身餵超過半個鐘, 之後還可以再飲奶粉115ML

這次不得不死心了, 已經追唔番宮女所需的奶量

現在決定泵奶直至自行收奶為止........

追人奶?! 第二日

第二日同一時間早上9點多開始, 今次好成功咁埋身30分鐘!!!

下一場再挑戰右邊, 搞左一大輪終於得左!!

下下場, 係無反抗之下又得左, 但奶量太少, 宮女整日都好累咁

下下下場, 飲左唔夠5分鐘成個人連飲奶力都冇晒咁訓, 好驚之下開番4OZ奶, 飲左將近1個鐘差不多飲晒........

更沮喪地覺得自己好似虐兒咁, 餓死宮女了, 到底仲好唔好人奶=0=

不過餵左之後痰少了, 口氣冇咁大, 好神奇!!!

追人奶?! 第一日

宮女出左世19日, 之前一直飲奶粉為主, 但見到佢痰越來越多, 利苔又厚口氣又大, 見自己仲未完全收奶, 即管再盡下力埋身餵人奶.

第一日, 早上9點多趁宮女未算太餓, 左邊埋身成功! 下午打算試右邊, 一打橫已經勁喊又抗拒. 之後再試, 好似都唔係太理想.....

第一日已好挫敗FEEL =0=

DAY 13 - 沖涼

之前一直依賴陪月姐姐照顧BB, 但陪月姐姐只做多幾日便要走了, 馬上學習幫BB沖涼.

準備好沖涼用品, 開暖風機, 正式開波......就失敗了

我唔記得應該係用紗巾扭乾洗眼, 面先~___~

之後就要按著耳仔洗頭, 但過水時手腳太慢, 比人鬧多次haha

慢速洗完頭後忘了落沖涼液就直接洗......算吧.....先hold實腋下, 要慢慢用水潑小屁屁及放下, 用紗巾帶水洗抹頸, 心口, 手臂, 再"卒"下手掌同手指

由於動作實在太慢, 陪月姐姐擔心凍親芯芯, 餘下洗下身及背就代勞了

預先摺成風琴式的浴巾, 一離水就即時可以包實芯芯, 再抹頭仔, 倒一下lotion在掌心"初"暖才塗在身上各處. 完成後馬上穿回尿片再穿衣服, 最後才清潔肚臍

呼~~~ 想不到沖個涼都搞到神經緊張~____~

DAY 12 - 健康院學餵人奶

芯芯自從係醫院出來後, 一直唔多肯埋身飲奶, 而我的奶量不足及抱姿都直接影響, 於是約見了健康院姑娘學餵人奶.

經過一輪亂吹的大話後, 姑娘總算肯教我餵同自渣, 成效的確唔錯.

但一想到要日夜每隔2小時密密餵....um.....um.....沉默了

餵人奶都係打算keep半年左右, 真係有必要咁辛苦??? 芯芯唔夠奶飲又去唔到黃, 體重又追唔到, 而我在坐月初期已經抱到頸痛, 真係支持唔到長時間抱住餵~____~

還是放棄埋身餵, 上奶方面等老公幫手, 之後再用電泵, 如果還有奶的話~____~